Óskemende kóshede er adamnyń máıiti tabyldy

ÓSKEMEN. QazAqparat – Óskemen qalasynda kóshede er adamnyń máıiti tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, máıitti kórgen turǵyndar polıtsııaǵa habar bergen.

«102» jedel arnasyna Greıdernaıa kóshesinde máıit jatqany týraly habar tústi. Birden oqıǵa ornyna tártip saqshylary kelip jetti. 43 jastaǵy er adamnyń qala turǵyny ekendigi anyqtaldy», - delingen aqparatta.

Atalǵan fakti boıynsha tergeý amaldary júrgizilýde. Marqumnyń naqty neden kóz jumǵany ázirge belgisiz.

Ólim sebebin anyqtaý úshin máıit sot-medıtsınalyq saraptamaǵa jiberilgen. Vedomstvo ókilderiniń dereginshe, ózge málimetter QR QPK-niń 201 babyna sáıkes jarııa etýge jatpaıdy.