Óskemende kóshe ataýlary ózgertilse de eski taqtaıshalar áli aýyspaǵan

ÓSKEMEN. KAZINFORM — Óskemen qalasynda kóshelerdiń ataýy ózgertilgennen keıin Óskemen turǵyndary mekenjaıǵa qatysty túsinbeýshilikterdiń kóbeıgenin aıtyp júr. Navıgatorlarda jańa ataýlar kórsetilgenimen, úılerdiń qabyrǵalarynda áli kúnge deıin eski taqtaıshalar ilýli tur.

Qala turǵyndarynyń aıtýynsha, bul jaǵdaı kúndelikti turmysta da, qujat rásimdeý barysynda da qıyndyq týǵyzǵan.

— Kýrerler, taksı júrgizýshileri, qala qonaqtary jıi shatasady. Olarǵa qaıta-qaıta túsindirýge týra keledi, — deıdi olar.

Óskemen qalasy ákimdiginen bul másele nazarda ekenin, alaıda taqtaıshalardy jańartý jumysy quqyqtyq rásimderden keıin júzege asyrylatynyn málimdedi. Qaıta atalǵan kóshelerge jańa taqtaıshalar 2026 jyldyń mamyr-maýsym aılarynda, memlekettik satyp alý protsedýralary aıaqtalǵan soń ornatylady.

Sonymen qatar jańa taqtaıshalar zamanaýı formatta bolmaq.

— Ázirge turǵyndarda kóptegen suraq týyndap jatqanyn túsinemiz. Sondyqtan jańa taqtaıshalarǵa QR-kodtar ornatylady. Olardy skanerleý arqyly kósheniń qazirgi jáne burynǵy ataýyn kórýge, ózge de ózekti aqparatty alýǵa bolady, — dep habarlady Óskemen qalasy ákimdiginiń baspasóz qyzmetinen.

Eske salsaq, osyǵan deıin Óskemende 13 kósheniń ataýy ózgeretindigi habarlanǵan.