Óskemende kórý qabileti nashar balalar sany artyp keledi
ShQO Densaýlyq saqtaý basqarmasy baspasóz qyzmetiniń málimetine súıensek, Óskemende byltyr mektepterde 0-9 synyp aralyǵynda oqıtyn 27 709 bala profılaktıkalyq medıtsınalyq tekserýden ótken.
«Sonyń nátıjeleri boıynsha keıbir aýrý túrleriniń kóbeıgeni anyqtaldy. Naqty aıtqanda, 1117 balanyń kórý qabileti nasharlaǵan. 2018 jyly mundaı 303 bala ǵana bolǵan edi. 213 balanyń estý qabileti tómendep ketken, al osydan 4 jyl buryn bul kórsetkish tek 30 balany quraǵan», - delingen habarlamada.
Sondaı-aq 131 oqýshynyń beli búkireıgeni, taǵy 108 balada skolıoz anyqtalyp otyr.
«Osyndaı aýrýlardyń artý sebebi – mektep oqýshylarynyń ómir salty. Planshetti, kompıýterdi, smartfondy kóp ýaqyt paıdalaný, taza aýada az júrý, qulaqqap qoldaný, sportpen shuǵyldanbaý, kúızelis jáne durys tamaqtanbaý balalardy túrli syrqattarǵa dýshar etedi», - delingen aqparatta.
