Óskemende kórshisiniń kóligin aıdap ketken adam Ertiske batyp ketti
ASTANA. QazAqparat - Óskemen qalasynda kórshisiniń kóligin aıdap ketken 43 jastaǵy er adam Ertis ózenine batyp, mert boldy, dep habarlaıdy «QazAqparat» HAA tilshisi ShQO ІІD baspasóz qyzmetine silteme jasap.
Oqıǵa 5 qarasha kúni tirkelgen.
«Sol kúni «102» nómirine 1967 jylǵy oblys ortalyǵynyń turǵyny (áıel) qońyraý shalyp, kórshisi VAZ-2101 (Jıgýlı) kóligin aıdap ketkenin aıtyp shaǵymdanǵan. Habarlamany alǵannan keıin quqyq qorǵaýshylar izdeýge shyqqan kezde kólikti Ertis ózeninen taýyp alǵan. Kóliktiń ishinde 1974 jylǵy kólik ıesiniń kórshisiniń máıiti tabylǵan», - deıdi
Ertiske atalǵan azamattyń qalaısha batqanyn, kóliktiń ózenge qalaı tap bolǵanyn tártip saqshylary qazirgi ýaqytta anyqtaý ústinde. Arnaıy saraptama taǵaıyndaldy.
«Boljam boıynsha, kólik Pontonnyı kópiriniń ústinen kele jatyp, joldan taıyp ketken. Tártip saqshylary istiń tolyq mán-jaıyn anyqtap jatyr», - dep habarlaıdy ІІD baspasóz qyzmetinen.
Illıýstratsııalyq foto
