Óskemende koronavırýstyń aldyn alý sharalary túsindirildi
ÓSKEMEN. QazAqparat - Óskemen qalasynda dárigerlerge koronavırýstyń alǵashqy belgileri men onyń aldyn alý sharalary túsindirildi, dep habarlaıdy QazAqparat.
Búgin Óskemendegi №1 qalalyq aýrýhanasynda ótken jıynda Semeı medıtsınalyq ýnıversıteti juqpaly aýrýlar jáne ımmýnologııa kafedrasynyń dotsenti Erbol Smaılov dárigerlerge koronavırýs jaıly túsindirý jumystaryn júrgizdi.
«Medıtsına qyzmetkerlerine vırýstyń basty belgileri men ınfektsııa juqtyrǵan adamǵa alǵashqy kómek kórsetý túrleri týraly keńinen aıttyq. Ázirge bizdiń elde koronavırýs tirkelgen joq. Alaıda bárine daıyn bolǵanymyz jón. Bul qaýipti vırýs aýa arqyly da juǵady. Sol sebepti qolyńyzdy jıi sabynmen jýyp, úıdi únemi jeldetip taza ustaǵanyńyz abzal» - deıdi Erbol Smaılov.
Esterińizge sala ketsek, osyǵan deıin ShQO-da koronavırýstyń taralýyna jol bermeý úshin jedel shtab qurylǵandyǵy habarlanǵan bolatyn.
