Óskemende koronavırýsqa qarsy vaktsına salatyn jańa pýnktter ashyldy
ÓSKEMEN. QazAqparat – Óskemen qalasynda COVID-19 ınfektsııasyna qarsy vaktsına alýǵa bolatyn jańa pýnktter ashylyp jatyr, dep habarlaıdy QazAqparat tilshisi.
Qala ákimdiginiń málimetine súıensek, shahar boıynsha búgingi tańda koronavırýsqa qarsy vaktsına alýǵa bolatyn 25 pýnkt jumys istep tur. Vaktsınatsııa pýnktteri kásiporyndar men saýda ortalyqtarynda da ashylǵan. Turǵyndar atalǵan pýnktterge baryp esh aqysyz juqpaly dertke qarsy ekpe ala alady.
«Jańa vaktsınatsııa pýnktteri «ADK», «Imperator», «Evrazııa» saýda oıyn-saýyq ortalyqtarynda jáne №15 orta mektep ǵımaratynda ashyldy. Sondaı-aq qala jurtshylyǵyna ekpe alý úshin vaccine-uk.kz saıty arqyly aldyn ala jazylýǵa múmkindik bar», - delingen aqparatta.
Esterińizge sala ketsek, Memleket basshysy Qasym-Jomart Toqaev el azamattaryn vaktsına alýǵa shaqyrǵan bolatyn.
