Óskemende kópirden sekirgen er adamnyń denesi tabyldy
ÓSKEMEN. KAZINFORM — Óskemen qalasynda kópirden sekirgen er adamdy izdeý jumystary aıaqtaldy.
ShQO Tótenshe jaǵdaılar departamenti baspasóz qyzmetiniń málimetine súıensek, 44 jastaǵy er adam 20 shildede Ertis kópirinen ózenge sekirip ketken.
— Sol ýaqyttan beri qutqarýshylar izdeý jumystaryn qolǵa aldy. Máıit búgin oqıǵa ornynan 21 shaqyrymdaı qashyqtyqta, Ertis ózeniniń Praporşıkovo aýyly mańyndaǵy tarmaǵynan tabyldy, — delingen aqparatta.
TJD qyzmetkerleri izdestirý jumystaryn kún saıyn júrgizdi. Іzdeý barysynda ushqyshsyz ushý apparattary men júzý quraldary paıdalanylyp, jaqyn mańdaǵy aýdandardyń jaǵalaý aýmaqtary tekserildi. Súńgýirler jalpy sany 26 ret sý astyna kirgen.
Eske salsaq, osyǵan deıin Іz-túzsiz ketken qyzylordalyqtyń denesi jaıylymǵa jaqyn jerden tabylǵany habarlanǵan.
