Óskemende kópqabatty úıdiń jertólesinen órt shyǵyp, 80 adam evakýatsııalandy

ÓSKEMEN QazAqparat – Óskemen qalasynda kópqabatty úıdiń jertólesinen órt shyǵyp, 80 adam evakýatsııalandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 6 shildede saǵat 23.08-de Lomonosov kóshesindegi 5 qabatty turǵyn úıdiń jertólesinde qoqys pen eski zattar janǵan.

«Sonyń saldarynan podez ishin qoıý tútin basty. Oqıǵa ornyna kelgen órt sóndirýshiler turǵyndardy dereý qaýipsiz jerge kóshire bastady. Baspaldaq arqyly barlyǵy 80 adam, onyń ishinde 15 bala evakýatsııalandy. Sondaı-aq qutqarýshylar 1938 jyly týǵan áıeldi syrtqa kóterip alyp shyqty», - delingen aqparatta.

Órt sóndirýshiler temir kesetin quraldyń kómegimen jertóleniń esigin ashty. Kóp uzamaı 3 sharshy metr alańdaǵy órtti sóndirip, tútindi soryp shyǵardy. Zardap shekken eshkim joq.

Foto - ShQO TJD