Óskemende kópqabatty úıdiń balkonynan 3 jasar bala qulap ketti
ÓSKEMEN. QazAqparat – Óskemen qalasynda kópqabatty úıdiń balkonynan 3 jasar bala qulap ketti, dep habarlaıdy QazAqparat tilshisi.
ShQO Tótenshe jaǵdaılar baspasóz qyzmetiniń málimetine súıensek, oqys oqıǵa 2 mamyr kúni saǵat 18:24-te Vınogradov kóshesinde bolǵan.
«2018 jyly týǵan bala 3-qabattyń balkonynan qulap ketti. Úıde ákesi bolǵan. Jedel járdem dárigerleri balany birden aýrýhanaǵa jetkizdi. Qazir búldirshin Óskemendegi Ana men bala ortalyǵyna jatqyzyl», - dep habarlady vedomstvo ókilderi.
Osy rette, qutqarýshylar kóp jaǵdaıda balalar ata-anasy qaraýsyz qaldyrǵan kezde qulaıtynyn eskertti.
Esterińizge sala ketsek, osyǵan deıin ShQO-daǵy tabıǵı qoryqta 100 gektarǵa jaıylǵan órttiń beti qaıtpaı jatqanyn habarlaǵan edik.
