Óskemende kópqabatty úıden órt shyǵyp, turǵyndar evakýatsııalandy

ÓSKEMEN. QazAqparat – Óskemen qalasynda órt shyqqan kópqabatty úıden 1 turǵyn qutqarylyp, 6 adam evakýatsııalandy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, 26 mamyrda Jańa-Ahmer kentinde ornalasqan besqabatty turǵyn úıdegi páterlerdiń birinde órt shyqqan. Oqıǵa ornyna dereý jetken órt sóndirýshiler turǵyndardy evakýatsııalaýǵa kiristi.

«Turǵyn úıden 1 adam qutqarylyp, 6 azamat evakýatsııalandy. Anyqtalǵandaı, besinshi qabattaǵy páterde jıhaz, jeke zattar men turmystyq tehnıka janǵan. Kóp uzamaı órt sóndirýshiler jalpy aýdany 20 sharshy metrdi quraǵan tilsiz jaýdy aýyzdyqtady», - dep habarlady vedomstvo ókilderi.

Qyzyl jalyndy óshirýge jeke quramnan 22 adam men 7 tehnıka jumyldyrylǵan. Órttiń shyǵý sebebi anyqtalýda.