Óskemende kópqabatty úıden órt shyǵyp, 8 adam evakýatsııalandy
ÓSKEMEN. QazAqparat – Óskemen qalasynda besqabatty turǵyn úıden órt shyǵyp, 8 adam onyń ishinde 4 bala evakýatsııalandy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Maıakovskıı kóshesinde ornalasqan kópqabatty turǵyn úıdegi páterlerdiń birinen órt shyqqan. Oqıǵa ornyna órt sóndirýshiler shuǵyl kelip jetti.
«Qutqarýshylar tútin tumshalaǵan podezden 8 adamdy, onyń ishinde 4 balany evakýatsııalady. Anyqtalǵandaı, páterde turmystyq tehnıka men jıhaz janyp jatqan. Kóp uzamaı tilsiz jaý tolyqtaı aýyzdyqtaldy. Páter ishinen haskı ıtiniń óleksesi tabyldy», - dep habarlady vedomstvo ókilderi.
Aldyn ala málimet boıynsha ottyń shyǵýyna elektr qurylǵylaryn paıdalanǵan kezde órt qaýipsizdigi talaptarynyń saqtalmaýy sebep bolǵan.
