Óskemende kópqabatty úı órtenip, bir turǵyn qaza tapty
ASTANA. QazAqparat - Óskemende turǵyn úı órtenip, bir áıel qaza tapty, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«21 naýryz kúni saǵat 10:20-da órtke qarsy qyzmet pýltine Óskemen qalasynyń Qabanbaı batyr kóshesindegi toǵyz qabatty turǵyn úıdiń órtengeni týraly aqparat kelip tústi. Tilsiz jaý altynshy qabattaǵy páterdiń 20 sharshy metrin sharpyǵan. Órt bólimsheleri 10 adamdy qutqaryp, 18 adamdy evakýatsııalady. Órt saǵat 10:42-de toqtatylyp, 11.00-de tolyq sóndirildi», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Órtti sóndirýge ShQO TJ departamenti jeke quramynan 20 adam jáne 7 arnaıy tehnıka jiberilgen.
