Óskemende kópqabatty úı aldynda 25 jastaǵy jigittiń máıiti tabyldy
ÓSKEMEN. QazAqparat – Óskemen qalasynda kópqabatty úı aldynda er adamnyń máıiti tabyldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń habarlaýynsha, máıit Potanın kóshesindegi kópqabatty úı aldynan tabyldy. Aldyn ala málimet boıynsha marqum ózine qol salǵan.
Kópqabatty úı turǵyndary tereze astynan er adamnyń denesin kórip, polıtsııaǵa qońyraý shaldy. Oqıǵa ornyna tártip saqshylary shuǵyl kelip jetken. Qazirgi ýaqytta marqumnyń kim ekendigi anyqtalyp jatyr. 1996 jylǵy jigit Óskemen qalasynyń turǵyny bolyp shyqty.
«Er adam terezeden sekirip, ózine qol salǵan bolýy múmkin. Qazaqstan Respýblıkasy Qylmystyq Kodeksiniń 105-baby 1-bóligine (ózin-ózi óltirýge ıtermeleý) sáıkes sotqa deıingi tergeý amaldary bastaldy. Іstiń mán-jaıy tekserilý ústinde», - delingen aqparatta.
