Óskemende kópqabatty úıden órt shyǵyp, 13 adam evakýatsııalandy
Óskemen qalasynda kópqabatty úıden órt shyǵyp, 13 adam evakýatsııalandy, dep habarlaıdy Kazinform.
ShQO Tótenshe jaǵdaılar departamenti baspasóz qyzmetiniń málimetine súıensek, Nazarbaev dańǵylyndaǵy besqabatty turǵyn úıde órt shyqqan.
«Ekinshi qabattaǵy páterde jıhazdar men jeke zattar otqa orandy. Oqıǵa ornyna jedel kelgen órt sóndirýshiler qaýipti aımaqtan 13 adamdy, onyń ishinde 5 balany evakýatsııalady. Qutqarýshylardyń úılesimdi is-áreketiniń arqasynda tilsiz jaý tolyqtaı aýyzdyqtaldy», - delingen aqparatta.
Órttiń jalpy aýdany 13 sharshy metrdi quraǵan. Denesin termııalyq kúıik shalǵan 1968 jylǵy páter ıesine apattar medıtsınasy ortalyǵynyń dárigerleri alǵashqy kómek kórsetti. Keıin ol qaladaǵy medıtsınalyq mekemege jetkizildi.
Aıta keteıik, jalynmen kúreske jeke quramnan 12 adam jáne 4 tehnıka jumyldyrylǵan. Aldyn ala derek boıynsha órttiń shyǵý sebebi – otpen abaısyz jumys isteýden bolýy múmkin.
Posmotret etý pýblıkatsııý v Instagram
