Óskemende kólik jýýshy bógde adamnyń kóligin aǵashqa soǵyp, 2 mln teńge shyǵyn keltirgen

ÓSKEMEN. KAZINFORM – Óskemende kóligi soǵylyp qalǵan áıel avtojýý ıesin sotqa berip, jeńip shyqty. 

ShQO sotynyń málimetine súıensek, áıel adam 2022 jyly shyqqan Kia Seltos kóligin avtokólik jýý ornyna qaldyryp, ózi ketip qalǵan. Sol kezde kólikti jýý boksyna kirgizbek bolǵan avtojýý jumysshysy abaısyzda aǵashqa soǵylyp qalǵan. Osynyń saldarynan kólik ıesine 2 mln teńgege jýyq materıaldyq shyǵyp keltirildi.

Polıtseıler jumysshyǵa qatysty ákimshilik hattama toltyrdy. 

— Áıel adam materıaldyq shyǵyndy óteý úshin kólik jýý ıesin sotqa berdi. Sot barysynda kásipker shyǵyndy kólikti zaqymdaǵan adam tóleýi tıistigin aıtty. Dese de sot jumysshy avtojýý ıesimen eńbek kelisimshartyn jasasqandyqtan jábirlenýshige keltirilgen materıaldyq zalal jeke kásipkerden óndirilýi tıis dep sheshim qabyldady, - delingen aqparatta.

Bul sheshimmen kelispegen kásipker apellıatsııalyq shaǵym túsirdi. Oblystyq sot úkimdi ózgerissiz qaldyrdy.

Eske salsaq, buǵan deıin Petropavl turǵyny kóshedegi shuńqyrǵa kóligin zaqymdap, shyǵyndy sot arqyly óndirgeni habarlanǵan.