Óskemende kólik qaqqan 6 velosıpedshi jasóspirimniń qazirgi jaǵdaıy qalaı
ÓSKEMEN. KAZINFORM – Óskemen qalasynda velosıped teýip kele jatqanda kólik qaqqan jasóspirimderdiń qazirgi jaǵdaıy belgili boldy.
ShQO Densaýlyq saqtaý basqarmasy baspasóz qyzmetiniń málimetine súıensek, kólik qaqqan 6 jasóspirim birden aýrýhanaǵa jetkizilgen.
- 14-17 jas aralyǵyndaǵy jasóspirimder Shyǵys Qazaqstan oblystyq Ana men bala ortalyǵyna jetkizildi. Tekserýden jáne qajetti medıtsınalyq kómek kórsetilgennen keıin beseýi ambýlatorııalyq emdeýge jiberildi, - delingen aqparatta.
Al jabyq bassúıek-mı jaraqaty degen aldyn ala dıagnoz qoıylǵan bir adam aýrýhanaǵa jatqyzylǵan. Qazir ol Ana men bala ortalyǵynda tıisti em alyp jatyr.
Eske salsaq, osyǵan deıin Óskemende velosıped teýip kele jatqan 6 jasóspirimdi kólik qaqqany habarlanǵan.
