Óskemende kólik qaǵyp ketken jasóspirim aýrýhanada kóz jumdy

ÓSKEMEN. KAZINFORM – Óskemen qalasynda kólik qaǵyp ketken jasóspirim aýrýhanada kóz jumdy.

ShQO Polıtsııa departamenti baspasóz qyzmetiniń málimetine súıensek, oqıǵa 19 qyrkúıek kúni Toǵas kóshesinde bolǵan.

«Lada Granta kóliginiń júrgizýshisi rettelmegen jaıaý júrginshiler ótkelinen ótip bara jatqan 2005 jylǵy jasóspirimdi qaǵyp ketken. Aýyr jaralanǵan ol shuǵyl túrde aýrýhanaǵa jetkizildi», - dep habarlady vedomstvo ókilderi.

Dárigerler qoldan kelgenin istegenimen jasóspirim medıtsınalyq mekemede kóz jumdy. Qazirgi ýaqytta atalǵan fakti boıynsha sotqa deıingi tergeý amaldary júrgizilip jatyr. Tıisti saraptamalar taǵaıyndalǵan.

Jol apatyna sebepker bolǵan kólik júrgizýshisi ýaqytsha ustaý ızolıatoryna qamaýǵa alyndy.