Óskemende kólik aýdarylyp, 2 jasóspirim kóz jumdy
ÓSKEMEN. KAZINFORM – Óskemen qalasynda jol-kólik oqıǵasynan eki jasóspirim mert boldy.
Qala prokýratýrasynyń málimetine súıensek, kólikti kámelettik jasqa tolmaǵan bozbala basqarǵan.
- Aldyn ala derek boıynsha ol jeńil avtokólikti basqara almaı qalǵan. Sonyń saldarynan avtokólik jol jıegindegi bógetke soǵylyp, aýdarylyp túsip, keıinnen órtenip ketken, - delingen aqparatta.
Jol-kólik oqıǵasy saldarynan kólikte bolǵan eki jasóspirim jolaýshy kóz jumdy. Júrgizýshi aýrýhanaǵa jetkizildi.
Atalǵan fakti boıynsha Qazaqstan Respýblıkasy Qylmystyq Kodeksiniń 345-baby 4-bóligine sáıkes sotqa deıingi tergeý amaldary bastaldy. Oqıǵanyń barlyq mán-jaıy anyqtalyp jatyr.
Eske salsaq, osyǵan deıin Túrkistan oblysynda eki kólik soqtyǵysyp, 7 adam kóz jumǵany habarlanǵan.
