Óskemende kólik tútini aýadaǵy zııandy shyǵaryndylardyń 50%-dan astamyn quraıdy
ÓSKEMEN. QazAqparat – Ekologtar Óskemen qalasynda aýadaǵy zııandy shyǵaryndylardyń 50%-dan astamy kólikterdiń tútini degen qorytyndyǵy keldi, dep habarlaıdy QazAqparat tilshisi.
ShQO Ekologııa departamentiniń málimetine súıensek, Óskemende aýanyń negizgi lastaýshysy zaýyttar emes, kólikter bolyp shyqty. Soǵan oraı ekologtar zııandy shyǵaryndylardy azaıtý úshin qoǵamdyq kólikti benzınnen gazǵa aýystyrýdy usyndy.
Qala boıynsha bir jyldaǵy jalpy zııandy shyǵaryndylar 164 369 tonnany quraıdy. Onyń ishinde kólik shyǵaryndylary – 90 031 tonna (56,7%), zaýyt, kásiporyn shyǵaryndylary – 54548 tonna (34,3%), shaǵyn jáne orta bıznes qazandyqtarynyń shyǵaryndylary – 5 690 (0,2%), turǵyn úılerdegi pesh shyǵaryndylary – 14100 tonna (8,8%).
«Shaharda avtokólik kóp. Qoǵamdyq kólikter de eski. Bıyl 200 avtobýsty aýystyrý kózdelgen bolatyn. Alaıda bul jospar ázirge iske aspaı jatyr. Sondyqtan barlyq avtobýstardy benzınnen gazǵa aýystyrý jaıly usynys jasaldy. Gaz arzan ári ekologııalyq turǵyda zııany az», - deıdi departament basshysy Danııar Álıev.
