Óskemende kólik tonaý qylmysy jıilep ketti - ІІD
ÓSKEMEN. QazAqparat -20 jastaǵy óskemendik jigit kólikti tonady degen kúdikpen tutqyndaldy, dep habarlaıdy QazAqparat tilshisi.
Oblystyq ІІD málimeti boıynsha, sońǵy kezde Óskemende kólik tonaý qylmysy jıilep ketken. Jedel-izdestirý sharalary kezinde 21 jastaǵy qala turǵyny ustalǵan.
«Tekserý kezinde kúdiktiniń 20 oqıǵaǵa qatysy bar ekeni anyqtaldy. Kólik ıeleri jalpy jıyny jarty mıllıon teńgeniń shyǵynyn shekken» - delingen departament taratqan málimette.
Kúdikti urlanǵan dúnıelerdi satyp, aqshasyn jeke muqtajdyǵyna jumsamaq bolǵanyn aıtqan. Ol kólikterge tún mezgilinde qulyp ashatyn arnaıy qurylǵymen kirip otyrǵan. Bir qyzyǵy, tonaýǵa túsken kóliktiń barlyǵy Óskemende shyǵarylǵan. Kúdikti 5 jylǵa deıin bas bostandyǵynan aıyrylýy múmkin.
