Óskemende kólik pen mototsıkl soǵylyp, 3 adam zardap shekti

ÓSKEMEN. QazAqparat – Óskemen qalasynda kólik pen mototsıkl soǵylyp, 3 adam zardap shekti, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 21 tamyzda qaladaǵy Qazaqstan kóshesinde bolǵan.

«ZHEJIANG» markaly mototsıkldiń 30 jastaǵy júrgizýshisi Myzy kóshesinen Qazaqstan kóshesine qaraı kele jatty. Kenet ol manevr qaýipsizdigine kóz jetkizbesten aldynda kele jatqan «TOYOTA HARRIER» kóligin basyp ozbaq boldy. Sonyń saldarynan kólikpen soqtyǵysyp qaldy.

Oblystyq Densaýlyq saqtaý basqarmasynyń habarlaýynsha, jol apaty saldarynan úsh adam zardap shekti. Mototsıklshi aýyr halde aýrýhanaǵa jetkizilgen.

Polıtseıler mototsıkl júrgizýshisine qatysty QR ÁQBtK-niń 610-baby 1-bóligi boıynsha ákimshilik hattama toltyrdy.