Óskemende kólik qaqqan er adam kóz jumdy
ÓSKEMEN. QazAqparat – Óskemen qalasynda kólik qaqqan er adam oqıǵa ornynda qaza tapty, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 20 maýsym kúni saǵat 23.00 shamasynda Óskemennen Semeıge shyǵa beris jolda bolǵan.
«VAZ-212014» avtokóliginiń 20 jastaǵy júrgizýshisi Nurly kósh aýylynyń mańynda 38 jastaǵy azamatty qaǵyp ketti. Jaıaý júrginshi alǵan jaraqattarynan sol jerde kóz jumdy. Atalǵan fakti boıynsha QR Qylmystyq kodeksiniń 345-babyna (Abaısyzda adam ólimine ákep soqtyratyn jol qozǵalysy erejelerin buzý) sáıkes sotqa deıingi tergeý amaldary bastaldy», - dep habarlady vedomstvo ókilderi.
Qazirgi ýaqytta birqatar sot-medıtsınalyq saraptama taǵaıyndalǵan. Sonyń nátıjeleri boıynsha protsessýaldyq sheshim qabyldanady.
