Óskemende kólik qaǵyp ketken jabaıy elik kóz jumdy
ÓSKEMEN. QazAqparat – Óskemen veterınarlary kólik qaǵyp ketken jabaıy elikti qutqara almady, dep habarlady QazAqparat tilshisi.
Zoovita veterınarlyq emhanasy janýardyń ólimi birneshe múshesiniń jetispeýshiligi, gemorragııalyq shok jáne kóptegen jaraqat saldarynan bolǵanyn habarlady.
«Jumada eliktiń artqy aıaqtary isine bastady. Biz qoldan kelgen qajetti sharalardy jasadyq, jaǵdaı turaqtalǵan bolatyn. Kelesi kúni jaǵdaı kúrdelenip, qusýy jıilene tústi. Dárigerler barlyq jaǵdaıdy jasady, soǵan qaramastan janýar aýyryp, túnde ólip qaldy», - dep túsindirdi veterınarlyq emhanada.
Esterińizge sala keteıik, jeltoqsannyń ortasynda Óskemende jabaıy elik kóshe kezip júrgen bolatyn. Qorqyp qalǵan janýar birneshe kún kólik qaqqanǵa deıin qalada júgirip júrgen. Buǵan deıin janýar veterınarlyq emhanaǵa jetkizilip, oǵan ota jasalǵan.
Aıta keteıik, jergilikti belsendi tipti jabaıy elikti qorǵaýǵa arnalǵan aktsııa jarııalaǵan. Oǵan eliktiń ómirine beı-jaı qaramaıtyn azamattar qoldaý bildirip, emdeýge 250 myń teńge jınap bergen.
Aıta keteıik, ótken demalys kúnderi Óskemen kóshelerinen turǵyndar taǵy bir jabaıy elikti baıqaǵan bolatyn.
