Óskemende kólik aıdap kele jatyp uıyqtap ketken júrgizýshi apatqa ushyrady
ShQO Polıtsııa departamenti baspasóz qyzmetiniń málimetine súıensek, jol-kólik oqıǵasy 20 mamyrda túngi ýaqytta qaladaǵy Gagarın býlvary kóshesinde bolǵan.
«Subaru Forester markaly kólikti júrgizip kele jatqan 35 jastaǵy júrgizýshi kenet uıyqtap ketti. Sonyń saldarynan kólik joldan shyǵyp, №32 kópqabatty úıdiń podezine soǵylǵan. Abyroı bolǵanda, jol apatynan eshkim zardap shekken joq», - delingen aqparatta.
Tártip saqshylary kólik júrgizýshisine qatysty QR ÁQBtK-niń 610-baby 1-bóligimen (Kólik quraldary júrgizýshileriniń jol júrisi qaǵıdalaryn adamdardyń densaýlyǵyna zııan keltirýge, kólik quraldarynyń nemese ózge de múliktiń búlinýine alyp kelgen buzýshylyǵy) ákimshilik hattama toltyryldy.
Kólik soqqysynan podezd kúnqaǵary jerge qulap, esikti jaýyp qalǵan. Dalaǵa shyǵa almaǵan úı turǵyndary qutqarýshylarǵa qońyraý shaldy.
«Habar túse salysymen TJD qyzmetkerleri oqıǵa ornyna kelip jetti. Gıdravlıkalyq quraldyń kómegimen qulaǵan kúnqaǵar joldan alynyp tastaldy», - dep habarlady oblystyq Tótenshe jaǵdaılar departamentiniń baspasóz qyzmeti.
