Óskemende kólik almaq bolǵan áıel alaıaqqa 900 myń teńge bergen
ÓSKEMEN. QazAqparat – Óskemen qalasynda kólik satyp almaq bolǵan 37 jastaǵy áıel alaıaqtyń arbaýyna ilikti, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Óskemendegi Soljaǵalaý polıtsııa bólimshesine 37 jastaǵy shahar turǵyny kelgen.
Ol naýryz aıynyń sońynda tanysy óz avtokóligin satatynyn aıtyp, aldyn ala tólem retinde 900 myń teńgege jýyq aqsha suraǵanyn jetkizdi.
Oıyna esh sekem almaǵan áıel atalǵan somany bere salǵan.
«Jedel-izdestirý sharalaryn qolǵa alǵan tártip saqshylary Ulan aýdanynyń 32 jastaǵy turǵynyn qolǵa túsirdi. Jaýap alý barysynda er adam kinásin moıyndady», - dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha Qazaqstan Respýblıkasy Qylmystyq Kodeksiniń 190-baby 1-bóligine sáıkes sotqa deıingi tergeý amaldary júrgizilýde.
Osy rette ShQO polıtsııa departamenti óńir jurtshylyǵyna qarjylaı kelissózder júrgizgen kezde barynsha abaı bolý qajettigin eskertedi.
