Óskemende qoqys jáshiginen áıeldiń máıiti tabyldy
ÓSKEMEN. QazAqparat – Óskemen qalasynyń polıtsııa qyzmetkerleri máıiti qoqys jáshiginen tabylǵan áıeldiń ólimine qatysty kúdiktini qolǵa túsirdi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, 7 qazanda «102» kanalyna qoqys jáshiginde áıeldiń máıiti jatqany týraly habar túsken.
Oqıǵa ornyna tártip saqshylary dereý attandy. Jedel áreket etken polıtsııa qyzmetkerleri eki kúdiktini qolǵa túsirgen.
«Anyqtalǵandaı, eki er adam qurbylarymen birge aşy sýdan urttaǵan. Kenet aralarynda janjal shyǵyp, erkekterdiń biri áıeldi qylqyndyra ketedi. Jábirlenýshi esinen tanyp qalǵanda olar adam óltirip aldyq dep qorqyp, áıeldi 4-shi qabattan laqtyryp jibergen. Sodan keıin máıitti qoqys jáshigine tastaǵan» dep habarlady vedomstvo ókilderi.
Qazirgi ýaqytta buryn sottalǵan 35 jáne 30 jastaǵy er adamdar ýaqytsha ustaý ızolıatoryna qamaldy.
Atalǵan fakti boıynsha Qazaqstan Respýblıkasy Qylmystyq kodeksiniń 99-babymen sotqa deıingi tergeý bastaldy.
