Óskemende qoqys polıgonyndaǵy órtti sóndirý 10 kúnnen beri jalǵasýda
ÓSKEMEN. QazAqparat - Óskemen qalalyq qoqys polıgonynda 10 kún buryn tutanǵan órtti aýyzdyqtaý jumystary áli jalǵasýda, dep habarlaıdy QazAqparat Altaınıýs saıtyna silteme jasap.
Óskemenniń Shmelev Log kenti aýdanyndaǵy qoqys tógetin orynda asa iri órt 11 tamyz kúni keshkilik ýaqytta bastalǵan. Jalyn sharpyǵan aýmaq 1 gektardy qurady.
«Bes kúninnen keıin Tótenshe jaǵdaılar basqarmasy qalalyq qoqys polıgonyndaǵy órt tolyǵymen sóndirilgenin málim etken edi. Alaıda, qala ishinde tútin men jaǵymsyz ıis áli de saqtalyp tur», - dep jazady saıt.
Búginde polıgondaǵy jumystar jalǵasýda.
Tótenshe jaǵdaılar qyzmetinen málim etkendeı, «Óskemenspetskommýntrans» JShS órt bolǵan aýdanda áli de jumys istep jatyr. «Órt qaldyqtaryn tolyqtaı aýyzdyqtaý úshin 2 órt sóndirý tehnıkasy, 1 júk kóligi jáne býldozer jumyldyryldy», - dedi vedomstvodan.
