Óskemende qoqys polıgony órtenip jatqanyna úsh kún boldy
ÓSKEMEN. QazAqparat - Óskemende órt sóndirýshileri qalalyq qoqys polıgonyndaǵy órtti sóndirip jatyr. Orman sharýashylyǵy aýdanyndaǵy qalalyq qoqys úıindisi úsh kúnnen beri órtenýde, ol 28 mamyr kúni saǵat 23.00-de bastalǵan, dep habarlaıdy «QazAqparat» HAA tilshisi.
Qazirgi tańda órt sóndirilgen joq, jalyn sharpyǵan aýmaq 0,5 gektarǵa jetken. Ázirge órt aýyzdyqtalǵan da joq. «Ol jerde qansha jyldan beri qabattalyp jınalǵan qoqysty sóndirý úshin kóp sý kerek», - dep atap ótti oblystyq TJ departamenti.
Tilsiz jaýmen táýlik boıy arnaıy tehnıka men órt sóndirýshiler, ShQO TJD arnaıy jasaǵynyń orman tehnıkasy, sonymen qatar eki frontaldy tıegish, úsh býldozer men eki sý quıý mashınasy kúresýde.
Órttiń shyǵýyna otty abaısyz qoldanýs sebepshi bolýy múmkin degen boljam jasaldy.
