Óskemende kóktaıǵaqtan bir kúnde 40-qa jýyq adam zardap shekti

ÓSKEMEN. KAZINFORM – Óskemen qalasyndaǵy aýrýhananyń travmatologııa bólimine bir kúnde 87 adam júgindi. Onyń ishinde 38-i kóktaıǵaqta qulap, jaraqat alǵan. 

Qala turǵyndary taıǵaq kóshelerde qulap, qol-aıaǵy kógerip nemese synyp dárigerlerge qaralǵan. Buǵan bir kún buryn qar erip, kún sýytqandyqtan jerdiń kóktaıǵaq bolýy sebep bolyp otyr.

- Halyqty osyndaı kezderde meılinshe saq bolýǵa shaqyramyz. Tabany budyr aıaq-kıim kıip júrińizder. Ókshesi bar aıaq kıimnen bas tartyńyzdar. Bul jaraqat alýdyń aldyn alady. Aptalap aýrýhanada jatqannan góri saqtyq sharalaryn saqtap júrgen durys, - deıdi Óskemen qalalyq №4 aýrýhananyń bas dárigeri Sergeı Popov.

Qazir oblysta aýa raıy qubylmaly bolyp tur. Sondyqtan dárigerler kóshede júgirip júrmeýge, barynsha abaı bolýǵa shaqyrdy.

Eske salsaq, osyǵan deıin Óskemen qalasynda ekologııa jaǵdaıyn jaqsartý úshin arnaıy uıym qurylatyndyǵy habarlanǵan.