Óskemende kóktaıǵaqtan 130-dan astam adam zardap shekti
ÓSKEMEN. QazAqparat – Sońǵy kúnderi Óskemende kóktaıǵaqtan zardap shekkender sany 130-dan asty, dep habarlaıdy «QazAqparat» HAA ShQO densaýlyq saqtaý basqarmasynyń baspasóz qyzmetine silteme jasap.
«6 jeltoqsanda kóshede qulap jaraqat alǵandar sany 37 adam bolsa, 7 jeltoqsanda – 24, al 8 jeltoqsanda olardyń sany 34-ke jetti. Búgin, 9 jeltoqsanda tańerteńnen beri 42 turǵyn jaraqat alǵan. Barlyǵynda kógergen, synǵan jáne sozylǵan sekildi jaraqat túrleri bar», - dep túsinik berdi basqarmanyń baspasóz qyzmetinde.
Al bul ýaqytta Semeıde sońǵy eki kúnniń ishinde travmatologııa ortalyǵyna 28 adam túsken. Olardyń barlyǵy kóshede kóktaıǵaqtan qulaǵan.
«Negizinen, qala turǵyndary aıaqtaryn jaraqattap, tipti keıbiri syndyryp ta alǵan. Búgin tańerteń kishkentaı bala qulap, aıaǵynan jaraqattandy», - dep túsindirdi Semeı qalasynyń jedel medıtsınalyq kómek stantsııasynda.
Eske sala keteıik, aýa raıynyń qolaısyzdyǵyna, onyń ishinde kóktaıǵaqqa baılanysty 6-7 jeltoqsan kúnderi Semeı mektepterinde sabaq bolǵan joq.
Avtor:
Oral Erlanuly
