Óskemende kóktaıǵaqtan 100-den astam adam zardap shekti

ÓSKEMEN. KAZINFORM — Óskemen qalasynda bir kúnde kóktaıǵaqtan 100-den astam adam zardap shekti. 

Keshe № 4 qalalyq aýrýhananyń jaraqat bólimine jalpy sany 162 adam túsken. Onyń ishindegi 32-si úıde, al 130-y kóshede jaraqat alǵan.

— Kóktaıǵaqtan qulaǵan 70-ten astam adamnyń súıegi synsa, qalǵanynyń denesi kógergen nemese býyny shyqqan. Zardap shekken adam sanynyń kóptigine baılanysty bul kúni jumysqa qosymsha 3 dáriger tartyldy. Dári-dármek pen qajetti qural-jabdyq qory jetkilikti, — dep habarlady medıtsınalyq mekemeden.

Al búgin bólimshede eki maman jumys istep jatyr. Túske deıin 50-ge jýyq adam medıtsınalyq kómek surap kelgen.

Osy rette, dárigerler turǵyndarda kóktaıǵaq kezinde barynsha abaı bolýǵa shaqyrdy. Eger qulap, jaraqat alyp qalǵan jaǵdaıda birden medıtsına qyzmetkerlerine qaralý kerek. Áıtpese jaraqat asqynyp ketýi múmkin.

Eske salsaq, osyǵan deıin Shyǵys Qazaqstan kósheleri men joldary tolassyz jaýǵan qardan tazalanyp jatqany habarlanǵan.