Óskemende qoqystan tabylǵan nárestege qatysty qylmystyq is qozǵaldy

ÓSKEMEN. KAZINFORM – Óskemen qalasynda qoqystan shaqalaqtyń denesi tabylǵan. Atalǵan oqıǵa boıynsha qylmystyq is qozǵaldy. 

Shyǵys Qazaqstan oblystyq Polıtsııa departamenti baspasóz qyzmetiniń málimetine súıensek, jańa týǵan náresteniń denesin kýágerler 23 aqpan kúni qoqystyń arasynan kórip, polıtsııaǵa habar bergen.

Atalǵan oqıǵa boıynsha qylmystyq is qozǵaldy. 

— Jedel is-sharalar barysynda jańa týǵan náresteniń anasy tabyldy. Qazirgi ýaqytta bolǵan oqıǵanyń barlyq mán-jaıyn anyqtaý úshin tergeý amaldary júrgizilip jatyr, - dep habarlady vedomstvo ókilderi.

Beıresmı málimetterge súıensek, anasy balasyn qoqysqa ózi tastaǵan. 

Eske salsaq, buǵan deıin SQO-da byltyr 5 myń náreste týyp, 6 myń adam qaıtys bolǵany habarlanǵan.