Óskemende qoqys tolǵan páter otqa orandy
ÓSKEMEN. KAZINFORM — Óskemen qalasynda qoqys tolǵan úı órtendi.
ShQO tótenshe jaǵdaılar departamenti baspasóz qyzmetiniń málimetine súıensek, Áýezov dańǵyly boıyndaǵy besqabatty turǵyn úıdiń 3-qabatyndaǵy páterde órt shyqqan.
— Oqıǵa ornyna shuǵyl jetken qutqarýshylar saty ornatyp, tútin tumshalaǵan páter ishine kirdi. Sol kezde ishte jınalyp qalǵan qoqys órtenip jatty. TJD qyzmetkerleri bólmelerdiń birinen gaz ballonyn syrtqa alyp shyqty, — delingen aqparatta.
Qazirgi ýaqytta órt oqshaýlandy. Abyroı bolǵanda, zardap shekken eshkim joq.
Kadrlardan kóringendeı, páter ıesi ishte qoqys jınaı bergen. Órttiń naqty neden shyqqany anyqtalyp jatyr.
Saǵat 15:20 shamasynda qutqarýshylardyń kúshimen 60 sh.m. alańdy sharpyǵan órt sóndirildi.
Eske salsaq, osyǵan deıin Atyraý qalasynda erlerge arnalǵan túrme órtengeni habarlanǵan.