Óskemende qoǵamdyq oryndardy sanıtarlyq tazalaý jumystary bastaldy
ÓSKEMEN. QazAqparat – Óskemen qalasynda qoǵamdyq oryndardy sanıtarlyq tazalaý jumystary júrgizilýde, dep habarlaıdy QazAqparat.
Shahardaǵy kommýnaldyq qyzmetter sanıtarlyq qaýipsizdikti qamtamasyz etý maqsatynda birqatar sharalardy qolǵa alǵan. Qazirde jyly aıaldamalar tolyqtaı dezınfektsııalandy. Kelesi kezekte jerasty jáne jerústi jaıaý júrginshiler ótkelderi men aıaldama pavılondary tur.
«Áýeli pavılonnyń ishi jáne syrty ystyq sýmen shaıylady. Sodan keıin oryndyqtar, esik tutqalary túgeldeı dezınfektsııalyq quraldarmen jýylady», - dep habarlady qalalyq ákimdik.
Al jabyq nysandarda, ıaǵnı jer ústi jáne jer asty ótkelderinde, jyly aıaldamalarda dezınfektsııalaý jumystary kún saıyn júrgizilmek. Dál osyndaı sharalar qoǵamdyq dárethanalarda da atqarylýda.
