Óskemende qoǵamdyq kólikter toqtap qalýy múmkin
ASTANA. QazAqparat - Salyqshylar men avtotasymaldaýshylar arasyndaǵy tartys saldarynan Óskemendegi qoǵamdyq kólikter toqtap qalýy múmkin. 2017 jyldyń sońyna qaraı qoǵamdyq kólik tasymaly salasy úlken jaısyzdyqqa tap boldy, dep jazady Altaynews.
ShQO memleketttik kirister departamentiniń mamandary alty iri tasymaldaýshy-kompanııaǵa 4,5 mlrd teńge tóleýdi talap etip otyr.
Kólik tasymalymen aınalysatyn uıymdardyń quqyǵyn qorǵaý úshin ShQO kásipkerler palatasy, shaǵyn jáne orta bıznes jumysshylarynyń kásipodaq uıymy, Óskemen qalalyq ákimdigi men QR Bas prokýratýrasy at salysyp jatyr.Eger salyqshylardyń talaby boıynsha bul kompanııalardyń esep-shottary buǵattalsa,onda avtobýstar toqtaıdy degen sóz, óıtkeni olar janarmaısyz qalady.
Salyqshylarmen tasymaldaýshylar arasyndaǵy daýdyń mazmuny mynadaı: ShQO kirister departamentiniń mamandary ótken jyly tekseristerden keıin, transport uıymdarynyń basshylary jeke kásipkerlermen ıaǵnı avtobýs júrgizýshilerimen ózara kelisimshart jasaý barysynda zańdy belshesinen basqandyǵyn anyqtaǵan. Bul zańsyzdyq boıynsha olar qosymsha qun salyǵymen korporatıvtik tabys salyǵyn aınalyp ótip otyrǵan. Somany sanaı kele, salyqshylar 4,5 mllrd teńgeni eseptep bergen.
Osyndaı nusqany aıtyp otyrǵan ShQO kásipkerler palatasynyń tóraǵasy Igor Shatskıı mán-jaıdy tolyqqandy anyqtap, qarastyrýdy surap oblys ákiminiń orynbasary Serik Aqtanovqa hat joldady.
Hatta, «qaladaǵy iri avtotasymyldaýshylardan qomaqty somany májbúrli túrde óndirip alý amaldary atalǵan uıymdardyń jumysyn toqyratady, sáıkesinshe jolaýshylar avtobýstary da toqtaıtyn bolady,óıtkeni olar tipti janar jaǵar maı da satyp ala almaıdy. ShQO kirister departamenti «vırtýaldy» esepteýler júrgizip otyr jáne ol óte iri kólemde bolǵandyqtan eshqashan óndirilmeıdi»- dep jazylǵan.
Tasymaldaýshylar óz taraptarynan salyqshylardyń talaptaryna shaǵymdanýǵa tyrysyp jatyr. Olar oblys ákimdigine, ShQO prokýratýrasynan kómek suraǵan. Atalǵan sala mamandary keleńsiz daýdyń búge-shigesin qarastyryp, ShQO kirister departamentiniń sheshimine óz narazylyqtaryn bildirdi. Qazir bul daý-damaıdy sheshýge QR Bas prokýratýrasynyń da aralasqany belgili boldy.
