Óskemende qyz zorlamaq bolǵan 40 jastaǵy erkek ustaldy

Óskemen qalasyndaǵy kópqabatty úı aýlalarynyń birinde ketip bara jatqan qyzdy zorlamaq bolǵan erkek ustaldy, dep habarlaıdy Kazinform agenttigi. 

Kesheli beri áleýmettik jelide Óskemende belgisiz bireýdiń aýlada ketip bara jatqan qyzǵa tap berip, zorlamaq bolǵany jaıly aqparat tarady.

ShQO polıtsııa departamenti qazirgi ýaqytta kúdiktiniń ustalǵanyn málim etti.

- Patrýldik polıtsııa qyzmetkerleri jedel izdestirý sharalaryn júrgizý barysynda «Sergek» kameralarynyń kómegimen 40 jastaǵy er adamdy ustady. Ol psıhıatrııa, narkologııa ortalyqtarynda esepke alynbaǵan, buryn sotty bolmaǵan. Tártip saqshylary ony ýaqytsha ustaý ızolıatoryna qamaýǵa aldy», - dep habarlady departamenttiń baspasóz qyzmeti.

QR Qylmystyq Kodeksiniń 24 baby 3-bóligimen (qylmysqa daıyndalý jáne oqtalý) jáne 120-baby 1-bóligimen (zorlaýǵa oqtalý) sotqa deıingi tergeý amaldary júrgizilip jatyr.

Barlyq qajetti saraptamalar taǵaıyndalǵan. Kúdiktiniń kinási dáleldengen jaǵdaıda 5-8 jylǵa deıingi merzimge bas bostandyǵynan aıyrylýy múmkin.