Óskemende qys bastalǵaly kóktaıǵaqtan 600-den astam adam zardap shekti
ÓSKEMEN. KAZINFORM – Óskemen qalasyndaǵy medıtsınalyq mekemelerge kóktaıǵaqtan zardap shekken adamdar kún saıyn túsip jatyr.
№ 4 qalalyq aýrýhananyń jaraqat bólimine 1 jeltoqsannan beri 1030 adam túsken. Onyń ishindegi 638 azamat kóshede kóktaıǵaqtan qulap jaraqat alǵanyn aıtqan. Al Ana men bala ortalyǵyna kóktaıǵaqtan zardap shekken 34 bala qaraldy.
- Kún saıyn medıtsınalyq mekemelerge kóktaıǵaqtan zardap shekken adamdar túsedi. Dárigerler olarǵa tıisti em taǵaıyndap, kómek kórsetip jatyr. Turǵyndardy kóktaıǵaq kezinde barynsha abaı bolýǵa shaqyramyz. Eger qulap, jaraqat alyp qalǵan jaǵdaıda birden medıtsına qyzmetkerlerine qaralý kerek. Áıtpese jaraqat asqynyp ketýi múmkin. Eresekter Serikbaev kóshesi, 1 mekenjaıyndaǵy № 4 qalalyq aýrýhanaǵa, al balalar Qazybek bı dańǵylyndaǵy Ana men bala ortalyǵyna qarala alady, - dep habarlady ShQO Densaýlyq saqtaý basqarmasynan.
Sondaı-aq halyqqa taıǵaq emes aıaq kıim kııýge keńes berildi.
Eske salsaq, osyǵan deıin Shyǵys Qazaqstan oblysynda jasandy jolmen qar kóshkinin túsirýge baılanysty jol jabyldy.