Óskemende Kırov eskertkishiniń ornyna Qasym Qaısenovtiń músini ornatylady
ÓSKEMEN. QazAqparat - Óskemende Jastar saıabaǵynyń ataýy aýystyrylyp qana qoımaı, ishine de biraz ózgerister engiziledi, dep habarlaıdy QazAqparat Altaınıýs saıtyna silteme jasap.
Saıabaq ishindegi Sergeı Kırovtiń eskertkishi súrilip, onyń ornyna bıyl el kóleminde 100 jyldyǵy atalyp ótken Halyq Qaharmany Qasym Qaısenovtiń músini qoıylmaq. Al S.Kırov eskertkishiniń jaıy qalaı bolary belgisiz.
Bul másele búgingi qalalyq máslıhat depýtattary bas qosqan qoǵamdyq tyńdaý barysynda aıtylyp, halyq qalaýlylarynyń basym bóliginen qoldaý tapty. Endigi sheshimdi respýblıkalyq onomostıkalyq komıssııa qabyldaıdy.
