Óskemende qıraǵan Shnaıder kópiri bir jylda qaıta salynbaq

ÓSKEMEN. KAZINFORM — Óskemen qalasyndaǵy Shnaıder kópiriniń qurylysyna qatysty naqty merzimder belgili boldy. Jobany bir jyldyń ishinde tolyq aıaqtaý josparlanǵan. 

Bul týraly oblys ákiminiń turǵyndarmen ótken eseptik kezdesýinde aıtyldy.

— Qazirgi tańda joba-smetalyq qujattama ázirlenip jatyr. Kelesi jyly qurylys jumystaryn bastap, ony tolyq aıaqtaýdy kózdep otyrmyz, — dedi Nurymbet Saqtaǵanov.

Shnaıder kópiri qala úshin mańyzdy ınfraqurylymdyq jobalardyń biri retinde qarastyrylyp otyr. Kópirdiń salynýy qoldanystaǵy ótkelderge túsetin kólik júktemesin azaıtyp, ásirese tańerteńgi jáne keshki keptelisterde Óskemenniń ár aýdany arasyndaǵy kólik qatynasyn jaqsartýǵa múmkindik beredi.

Bılik ókilderi jobany iske asyrý barysynda kópirdiń ótkizý qabiletimen qatar, jol qozǵalysynyń qaýipsizdigine de basa nazar aýdarylatynyn atap ótti. Jobalyq-smetalyq qujattama tolyq ázirlengennen keıin nysannyń naqty quny men qarjylandyrý kózderi belgili bolady.

Eske salsaq, buǵan deıin ShQO-da Shnaıder kópirindegi apattan keıin basqarma basshysy qyzmetinen ketkeni habarlanǵan.