Óskemende keneden zardap shekkender sany 40-qa jetti

ÓSKEMEN. KAZINFORM — Óskemen qalasynda keneden zardap shekkender sany kóbeıip ketti. Bıyl oblysta keneler erte shyqty. Eki aptanyń ishinde Óskemenniń ózinde kene shaqqan 43 adam medıtsınalyq kómekke júgingen.

— Onyń ishinde 41 adam kenege qarsy ımmýnoglobýlın aldy. Bir naýqas ekpeden bas tartsa, endi biri kómekke kesh júgingen. Ádette kenelerdiń belsendiligi mamyr aıynda bolatyn. Biraq bıyl alǵashqy jaǵdaılar naýryz aıynyń sońynda tirkelip otyr, — delingen aqparatta.

Óńirdegi medıtsınalyq mekemelerde ımmýnoglobýlın qory jetkilikti. Dárigerler keneler tek kene entsefalıtin ǵana emes, kene súzegi men Laıma aýrýy sııaqty basqa da qaýipti ınfektsııalardy taratatynyn eskertti.

Osy aptanyń basynan beri Óskemende aýmaqtardy kenege qarsy óńdeý jumystary bastaldy.
Eske salsaq, buǵan deıin Shyǵys Qazaqstan turǵyndaryn kene shaǵa bastaǵany jaıly jazǵanbyz.