Óskemende keler jyly 80-ge jýyq jańa avtobýs satyp alynbaq

ÓSKEMEN. QazAqparat – Óskemen qalasynda 2023 jyly 80-ge jýyq jańa avtobýs satyp alynady, dep habarlaıdy QazAqparat tilshisi.

Qala ákimdiginiń málimetine súıensek, elektrondy bıletteý júıesi engizilgeli beri qoǵamdyq kólikterdegi jolaýshylar sany ótken jylmen salystyrǵanda 31 paıyzǵa ósken. Osynyń nátıjesinde, salyq kólemi birshama artyp otyr. Jalpy 2022 jyly Óskemen turǵyndary elektrondy bıletteý ádisimen jol júrý aqysyn 45,2 mıllıon ret tólegen.

«Keler jyly tasymaldaýshy kompanııalardyń avtoparki jańartylady. Ol úshin 77 avtobýs satyp alý josparlanýda. Osy jyly 53 jańa avtobýs alynǵan», - deıdi shahar basshysy Jaqsylyq Omar.

Onyń aıtýynsha, 2023 jyly qala boıynsha 40-tan astam aıaldama aýystyrylyp, taǵy birneshe jyly aıaldama salynbaq.