Óskemende qaıyrymdylyq jáshiginen aqsha urlaǵan eki adam ustaldy
ÓSKEMEN. QazAqparat – Óskemen qalasynda qaıyrymdylyq jáshiginen aqsha urlaǵan eki adam ustaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, 5 aqpanda «102» jedel arnasyna 57 jastaǵy qala turǵyny habarlasqan. Onyń aıtýynsha, belgisiz bireýler saýda-oıyn saýyq ortalyǵynyń kúzetshisine ózderiniń qaıyrymdylyq qoǵamynda jumys isteıtindikterin alǵa tartyp, qaıyrymdylyq jáshigindegi barlyq aqshany alyp ketken. Shyǵyn 20 000 teńgeni qurady.
«Jedel izdestirý sharalaryn júrgizý barysynda krımınaldyq polıtsııa qyzmetkerleri 22 jáne 23 jastaǵy eki jigitti qolǵa túsirdi. Olardyń biri osyǵan deıin sotty bolǵan. Kúdiktiler óz kinálaryn tolyqtaı moıyndap otyr», - dep habarlady vedomstvo ókilderi.
Atalǵan fakti boıynsha QR QK-niń 190-baby 2-bóligi 1-tarmaǵymen sotqa deıingi tergeý amaldary júrgizilýde.
