Óskemende qaı joldarda jol apaty jıi bolady

ÓSKEMEN. KAZINFORM – Óskemen qalasynda jol apaty jıi tirkeletin ýchaskeler belgili boldy.

Osy jyldyń basynan beri shahar boıynsha 400-ge jýyq jol apaty tirkelgen. Bul aldyńǵy jylmen salystyrǵanda 2,5 ese kóp. Sonyń saldarynan 400-den astam adam zardap shekken.

- Óskemende jıi jol apaty bolatyn 5 jer bar. Olar Ertis kópiriniń aldyndaǵy alańynyń aınalmaly qozǵalysymen qıylysy, Sátpaev-Jibek Joly-Esenberlın dańǵyldarynyń qıylysy, Toǵas kóshesi, 3/1, Abaı-Shákárim dańǵyldarynyń qıylysy, Internatsıonalnaıa-Volgogradskaıa kósheleriniń qıylysy, - dep jaýap berdi Óskemen qalalyq polıtsııa basqarmasy bastyǵynyń orynbasary T.Qamzın Kazinform tilshisiniń resmı saýalhatyna.

Jol-kólik oqıǵalarynyń aldyn alý úshin polıtsııa qyzmetkerleri jol belgileri men kóshelerdiń jaryqtandyrylýynyń jaı-kúıin jiti tekserip, jol qozǵalysy erejeleriniń saqtalýyna baqylaýdy kúsheıtti.

Eske salsaq, osyǵan deıin Pavlodarda jantúrshigerlik jol apatynan úsh er adam qaza bolǵany jaıly jazǵanbyz.