Óskemende qatty jelden kran qulap ketti
ÓSKEMEN. QazAqparat – Óskemen qalasynda qatty jelden munaraly kran qulady, dep habarlaıdy QazAqparat tilshisi.
QR Tótenshe jaǵdaılar mınıstrligi ónerkásiptik qaýipsizdik komıtetiniń málimetine súıensek, oqys oqıǵa 1 maýsymda Sátbaev dańǵylyndaǵy qurylysy júrgizilip jatqan kópqabatty úıdiń mańynda bolǵan.
«Qatty jeldiń saldarynan qurylys alańyndaǵy munaraly kran qulap ketti. Zardap shekken eshkim joq. Kran basqa ǵımarattar men qurylys nysandaryna esh zaqym keltirmedi», - delingen aqparatta.
Sol sátte kran jumysqa qoldanylmaı, bos turǵan. Endi komıtettiń Shyǵys Qazaqstan oblysy boıynsha departamentiniń mamandary oqıǵanyń mán-jaıyn anyqtaıdy.
Eske salsaq, elordada kópqabatty úıge krannyń qulaýy boıynsha tekserý aıaqtaldy.
