Óskemende kásiporyndaǵy jarylystan soń mańaıdaǵy kóshe turǵyndarynan ýlaný boıynsha shaǵym túsken joq
ÓSKEMEN. KAZINFORM — Óskemen qalasynda «Qaztsınk» kásipornyndaǵy jarylystan keıin mańaıdaǵy kóshe turǵyndarynan ýlaný boıynsha shaǵym túspedi.
ShQO Sanıtarlyq-epıdemıologııalyq baqylaý departamentiniń málimetine súıensek, kásiporyndaǵy jarylystan soń mamandar halyq densaýlyǵyna tónýi múmkin qaýipterdi baǵalaý úshin kóshelerdi aralap, tekserý júrgizdi.
— 12 aýmaqta aýa synamalary alyndy. Jalpy sany 224 synama jınalyp, zertteý barysynda 14 túrli zattyń, onyń ishinde qaýiptiliktiń 1 jáne 2 klasyna jatatyn 10 zattyń aýadaǵy mólsheri tekserildi. Zertteý qorytyndysy boıynsha tehnıkalyq jarylystar men apattyq shyǵaryndylar kezinde túziletin zattardyń shekti ruqsat etilgen kontsentratsııasynan asý faktileri anyqtalǵan joq, — delingen habarlamada.
Sondaı-aq Óskemen turǵyndarynan ýlanýǵa qatysty shaǵym túspegen.
Osy rette, departament qyzmetkerleri qala halqyn dúrbeleńge boı aldyrmaýǵa jáne tek resmı derekkózderden alynǵan aqparatqa senýge shaqyrdy.
Eske salsaq, búgin tańerteń Óskemendegi kásiporynda jarylys boldy.
Sonyń saldarynan eki adam qaza bolyp, beseýi zardap shekti.
Premer-mınıstr Oljas Bektenov Óskemendegi jarylysty jeke baqylaýyna aldy.
Jarylysqa qatysty polıtsııa qylmystyq is qozǵady.
