Óskemende kásipkerlerge kómek kórsetetin ortalyq ashylady
ÓSKEMEN. QazAqparat - Óskemende Kásipkerlerge kómek kórsetý ortalyǵyn ashý josparlanýda. Bul týraly QazAqparat ShQO ákimi baspasóz qyzmetine silteme jasap habarlaıdy.
ShQO kásipkerler palatasynyń dırektory Igor Shatskıı ortalyq ashý qajettiligi baıaǵyda týyndaǵanyn aıtty. Kásipkerler qujattardy kelisimdep, máselelerdi sheshý úshin ár mekemeniń esigin qaǵýǵa májbúr. Eger ortalyq ashylsa, biraz túıtkilder bir jerde sheshimin tabar edi.
Óńir ákimi Danıal Ahmetov ortalyq ashý ıdeıasyn qoldap, onyń jumysyn egjeı-tegjeı oılastyrýdy tapsyrdy.
«Zańgerlik konsýltatsııa mindetti túrde qoljetimdi bolýy tıis. Kredıttik baǵdarlamalar boıynsha aqparat berý qajet. Kásipkerler jıi baılanysatyn uıym ókilderi ortalyqta bıznesmenderdi qabyldaýy tıis, - dep atap ótti ol.
