Óskemende káriz qudyǵyna túsip ketken áıel tabyldy
ÓSKEMEN. QazAqparat – Óskemen qalasynda ashyq qudyqqa túsip ketken áıel adam tabyldy, dep habarlaıdy QazAqparat tilshisi.
Oqıǵa 12 jeltoqsanda keshki ýaqytta bolǵan. Ashyq qudyqqa túsip ketken áıel 3 saǵat boıy shyǵa almady.
«Úıde otyrǵanymyzda aıqaılaǵan daýysty estip qaldyq. Syrtqa shyqqanymyzda bul daýys qudyqtyń ishinen estildi. Lezde kórshime qońyraý shaldym. Ol uzyn baspaldaq ákelip áıeldi syrtqa alyp shyqty», - deıdi Kýznechnaıa kóshesiniń turǵyny ıÝlııa Sheremeteva.
Al qudyqta qalyp qoıǵan turǵyn qulaǵan kezde qaltasynan telefonyn túsirip alǵanyn aıtty.
«Tereń qudyqtan óz betimmen shyǵa almadym. Qansha aıqaılasam da eshkim kómekke kelmedi. Sol mańaıdan ótip bara jatqan keı adamdar tipti toqtamady da. Negizinen bul qudyq kóktemnen beri ashyq turǵan», - deıdi ol.
Qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń málimetinshe, Kýznechnaıa kóshesindegi lıýkterdi merdiger kompanııa 2020 jyldyń jazynda ornatqan.
«Lıýktiń qaqpaǵyn bireý urlap ketti. Onyń betin jabý úshin tez arada tıisti sharalar qabyldanady» dep habarlady bólim mamandary.
Foto: yk-news.kz
