Óskemende káriz qudyǵyna qulap ketken áıel qutqaryldy

ÓSKEMEN. QazAqparat – Óskemen qalasynda qudyqqa qulap ketken áıel qutqaryldy, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar Óskemende qudyqqa qulap ketken áıelge kómektesti.

«Oqys oqıǵa Qabanbaı batyr men Novatorlar kósheleriniń qıylysynda bolǵan. 51 jastaǵy áıel serýendep júrgen kezde qudyqty baıqamaı qulap ketken. Janyndaǵy er adam birden TJD qyzmetkerlerine qońyraý shalyp, kómek surady», - delingen aqparatta.

Sol jerge jedel jetken departamenttiń mamandandyrylǵan jasaq qyzmetkerleri arnaıy qutqarý jabdyǵymen áıeldi tereńdigi shamamen 5 metrdeı bolatyn káriz lıýginen shyǵaryp aldy. Sodan keıin ony jedel járdem dárigerlerine tapsyrdy.

Osy rette, qutqarýshylar qandaı da bir qıyndyqqa tap bolǵan turǵyndarǵa «112» nómiri boıynsha habarlasý kerektigin eske saldy.