Óskemende qarǵa turyp qalǵan «Jedel járdem» kóligin sarbazdar shyǵardy
ÓSKEMEN. QazAqparat – Óskemende 27/943 áskerı bóliminiń qyzmetshileri qarǵa tyǵylyp qalǵan jedel járdem kóligin shyǵarýǵa kómektesti, dep habarlaıdy QazAqparat HAA.
Oblystyq jedel medıtsınalyq kómek beketindegiler «jedel járdem» kóliginiń naýqasqa bara jatqan jolda kóshelerdiń birinde omby qarǵa tyǵylyp qalǵanyn aıtty. Nátıjesinde, naýqasqa basqa medıtsına qyzmetkerleri jiberilgen. Al qardan óz betimen shyǵa almaǵan kólik kómekke júginýge májbúr bolǵan.
«Oqıǵa 21 jeltoqsan kúni tańerteń Jańa Ahmer aýyly aýmaǵynda boldy. Bolǵan jaıt týraly «Óskemen-Tártip» oblystyq kommýnaldyq qyzmet ortalyǵyna medıtsına qyzmetkerleri 8:45-te habar bergen, biraq bul aýmaqty tazalaý bizdiń mindetimizge kirmeıdi degen dıspetcher tutqany qoıa salǵan. Kólik qardan tazalanbaǵan kóshede 13:45-ke deıin turdy», -deıdi feldsher Dılıara Kójenova.
Dárigerlerge áskerı bólimniń qyzmetshileri kómekke kelip, «jedel járdemdi» tegis jerge súırep shyǵarǵan. Júrgizýshi kólikti ary qaraı ózi aıdap áketti.
«Oblystyq jedel medıtsınalyq kómek ákimshiligi 27/943 áskerı bólimi men áskerı daıyndyq komandıriniń orynbasary Dáýren Esperdınovke alǵystaryn bildiredi», -dep atap ótti bekettegiler.
Esterińizge sala keteıik, ótken demalys kúnderi «jedel járdem» feldsherleri naýqastaryna negizinen jaıaý barǵan. Ásirese Ahmer, Krasına, Menovnoe, Ablaketka jáne Á.Moldaǵulova aýyldarynyń medıtsına qyzmetkerlerine qıyn bolǵan. Qalanyń bul aýdandaryna jaýǵan qar saldarynan arnaıy kólik jete almaǵan.
Oral ErlanulyIllıýstratsııalyq: tass.ru
