Óskemende qaraýsyz qalǵan úıden qarý-jaraq arsenaly tabyldy
ShQO Polıtsııa departamenti baspasóz qyzmetiniń málimetine súıensek, tártip saqshylary, Ulttyq qaýipsizdik komıtetiniń jáne Qylmystyq atqarý júıesiniń óńirlik departamentterimen birlesip zańsyz saqtalǵan qarý-jaraq arsenalyn tapty.
Jedel-izdestirý sharalaryn júrgizý barysynda atys qarýlary Óskemendegi ıesiz qalǵan úılerdiń birinen tabylǵan.
«Atap aıtqanda, nómirleri óshirilgen 7,62 mm kalıbrli nagan markaly oıyq tapanshasy, oǵan 7,62 mm kalıbrli 188 patron, TOZ 34 ER ańshylyq myltyǵynyń oqpany, F1 granata korpýsy, ańshylyq myltyqtyń 20 kalıbrli 12 patrony jáne 4 sıgnaldyq zymyran anyqtaldy. Qazirgi ýaqytta QR QK-niń 287-baby 3-bóligine sáıkes sotqa deıingi tergeý amaldary júrgizilip jatyr», - delingen aqparatta.
Ballıstıkalyq saraptama nátıjeleri boıynsha tapansha jaýyngerlik dep tanyldy, al patrondar atýǵa jaramdy.
